Dɩ ‑wee'‑ "klein ‑nɩa 'nɔ 'kmʋ "kpei nɩɛ 'de ɛ 'kwa
95
Ao ji ‑a ‑je Tʋ "bo o blee 'de 'mʋa‑ 'ʋn,‑A ‑bɛɛ' ‑aa Tʋ "bo 'a 'nynɩ "i,
‑A bla dɩ ‑a ‑je ɛɛ' 'nynɩ "i 'bɛɛ‑,
dɛ ‑nʋɛ ɛmɛ ‑nɩ ‑aa ‑kliosou", ‑aa 'pʋʋ i‑!
2 ‑A mu 'de ɛ "juɛi ‑a ‑jeɛ sɛ' po,
‑a bla dɩ ‑a ‑je ɛɛ' 'nynɩ "i 'bɛɛ‑.
3 Tʋ "bo ‑nɩ Kea klaa",
ɛ nɩɛ klaa" 'de ‑kɩɩ' ‑wee'‑ "jru kpɔ'.
4 Ɛmɛ 'blʋa 'a ‑sɔn tɛnsʋn nɩ 'kwa,
'de ɛ 'kwa 'bo crʋ 'a ja tɛnsʋn ‑wee'‑ "klein nɩ‑.
5 Ɛmɛ ‑ble 'tɔniɛ, ɛmɛ dɛ‑nʋɛ';
ɛmɛ ‑ble 'blʋa, ɛɛ' sʋn ‑nʋɛ'.
6 Ao ji, ‑a ‑jaa "jru ja,
‑a ‑sii" 'kɔu‑ i 'de Tʋ "bo ‑nʋa' ‑ʋn "juɛi.
7 Ɛ nɩɛ ‑aa Kea, ‑a ‑nɩ ɛɛ' ‑gbu" ‑sɔn nyʋ o,
ɛɛ' 'cɛ ɛɛ' sʋn a poa ‑je o ɛ.
‑Bo ao 'bɛɛ‑ ɛɛ' wlu doun" o poa' ‑sɩan 'de ɛ,
8 ‑Mɛ ao 'bo pɛe "ikmuuɛ, ka ɛ nɩa 'de Meriba' a,
ka ɛ nʋa 'de Masa 'a 'wɩ o,
'de ‑pɩɩɔn" 'blʋa "kpei ɛ:a
9 Ao "bo ‑wi" "pliɛn 'mii,
ʋʋ nɩɛ "i ʋʋ 'je 'ʋn ‑klan" "kpei ‑te',
'de ‑mɛ ʋʋ 'je dɩ 'ma nʋa 'mɛ.
10 'De ‑sʋn 'a kwla ‑nyiiɛ' 'di ɛ,
nyʋ 'a kpɔ ‑nɩa 'mʋʋa‑ a nyaa 'ʋn "wɛin:
‑wɛe 'ɩn 'na 'kwla sie nyʋ ‑o,
‑wɛe ‑je 'ɩn tɔɔa ʋʋpʋ‑ ɛ,
ʋʋa' po ɛɛ' ‑tɩ' ‑kwlʋ o.
11 Ɛmɛ ‑tɩ 'ɩn 'kpa 'cɛn,
‑wɛe 'ɩn cɛn wlu ‑tie" 'ɩn 'na:
ʋʋ se 'ma ‑kwle ‑kwlɔ 'di pa i.